دا ډرامه د افغانانو په تېره بيا د کليوالو د کورنيوپر ژوند څرخي او په يوه ټاکلې خیالي سيمه کې موقعيت لري. نوی کور نوی ژوند د سوپ اوپرا بڼه لري، يعنې څو کيسې همزمانه روانې وي. هره برخه يې پنځه صحنې لري چې په بېلابېلو کيسو پورې تړاو لري. موضوعات يې په کليو او بانډو کې د سروې په اساس راټولېږي

دا خپرونه له پيځو څخه تر نهو کلنو ماشومانو له پاره ده، چې د مجلې په بڼه جوړېږي . په خپرونه کې د شمېر ، تورو پېژندلو، کيسو، ترانو او ټوکو له لارې دماشومانو ذهني اوژبنۍ وړتيا وده مومي. يوه ماڼۍ او زر دريڅې: د ديارلسو څخه تر شپاړسو کلنو نويو زلميانو ته ځانګړې شوې ده؛ دهغوی ټولنيزو اوفرهنګي اړيکو ته پراختيا ورکوي او د جادويي ماڼۍ د بېلابېلو دريڅو له لارې يې د هېواد او نړۍ سره بلدوي. په دې خپرونه کې لالوماما مرکزي رول لوبوي.

دا خپرونه هغو ماشومانو او تنکيو ځوانانو ته ځانګړې شوې ده، چې عمرونه يې له ديارلسو تر شپاړسو کلونو دي، او تنکي ځوانان د فرهنګي او ټولنيزو اړيکو په برخه کې روزي. لالو ماما خپلو ميلمنو ته په جادويي ماڼۍ کې د رنګارنګ دريڅو په راپرانيستلو هغوی له خپل هېواد نړۍ سره اشنا کوي. د دې خپرونې مرکزي کرکټر د پاچا ټوکمار دی چې د لالو ماما رول لوبوي.

دا خپرونه له نهو څخه تر دیارلس کلنو ماشومانو دژوند په اړتياوو او ستونزو را څرخي. د خپرونې ډېرې موضوع ګانې د هېواد له کليو او بانډو له ماشومانو څخه راټولېږي اوپه کيسه اړول کېږي. په کيسه کې د لوبغاړو پر تمثيل برسېره، طوطي اوکيسه ویونکې ترور هم مهمه ونډه لري.

په دې خپرونه کې د کليوالو اړتياوې او ستونزې له هغوئ سره په مرکو کې رابرسېره کېږي. علتونه يې څېړل کېږي، له برياليو خلکو او ماهرينو سره خبرې کېږي او ستونزو ته په ساده او اسانه ژبه د حل څو بېلابېلې او اسانه لارې پيدا کېږي

هره خپرونه معمولا په يوې ځانګړې روغتيايي ستونزې راڅرخي. خلک خپلې ناکامې اوبريالۍ تجربې له اورېدونکوسره شريکوي. د يادې ستونزې لپاره کورنۍ درملنې او لومړنۍ مرستې تر بحث لاندې نيول کېږي. په پای کې د ستونزې د حل لارې چارې ښودل کېږي. زياته پاملرنه پکې د مور او ماشوم د روغتيايي ستونزو حل ته ده.

دا خپرونه، چې معمولا درې برخې لري، د هغو خلکو لپاره ده چې بې روزگاره دي او غواړي يو کارولري يا کاروبار پيل کړی خو نه پوهېږي چې څرنګه پرمختګ وکړي. هغوئ د خلکو له برياليو او ناکامو تجربو څخه زده کوي چې له کومو امکاناتو او سنجشونو څخه کار واخلي؛په کومه برخه کې پانګونه وکړي. په خپرونه کې کمپيوټر د کرکټر رول لري.

video

معلولیت نیمګرتیا نه ده

د افغانستان تعلیمي موسسې( AEPO) د خپلو فعالیتونو په لړ کې د توانمندو ماشومانو د نوښت(ECI) موسسې په همکارۍ د "معلولیت نیمګرتیا نه ده" ترسرلیک لاندې د۲۰۲۲ کال د جنوۍ په میاشت کې راډیويي خپرونې پیل کړې دي، چې په میاشت کې یوه خپرونه د توانمندو ماشومانو د نوښت موسسې، یو شمېر محلي راډيوګانو او د افغانستان تعلیمي موسسې په ویب سایټ، فیسبوک پاڼه او یوټيوب کې خپرېږي. https://www.tajalla.af https://www.facebook.com/aepo.af https://www.youtube.com/@aepotajalla6657/videos https://soundcloud.com/enabledchildren

زموږ کور، زموږ ټولګی

موږ کور، زموږ ټولګی دتعليمي خپرونو لړۍ ده چې له اووم ټولګي څخه تر لسم ټولګي پورې د ریاضي، فزیک، کیمیا او بیولوژي مضامین پکې شامل دي. دا خپرونې له شنبې تر سه شنبې په دري او پښتو ژبو په هرات کې د باران له راډیو، په ننګرهار کې د شرق، په کندهار کې د تبسم او په بلخ کې د رابعه بلخي د راډیو په مرسته اورېدلی شئ. ددې ترڅنګ ددې خپرونو راډیویي او ویډیويي خپرونې د افغانستان د تعلیمي موسسې له فیسبوک، یوټیوب، ټیلیګرام او تجلا ویب پاڼې څخه اورېدلی او لیدلی شئ: